身為一個超級怕曬嘅日本阿婆，同兩位小朋友烈日當空之下戶外野餐，我真係覺得我呢個廢媽原來都有偉大嘅一面😂
想佢哋少啲對住電視/電子產品，最好安排多啲活動；想佢哋懂得同別人相處，就最好約多啲朋友仔出嚟聚會。我兩個仔真係每日都煩到我崩潰，所以廢媽我先自虐，搵兩位媽媽級朋友陪我暴曬一番先，等佢哋放電同多啲戶外活動！
如果我係父母，另一半不停投訴小朋友，我覺得身為大人好需要自己檢討吓！小朋友嘅問題，生佢&養育佢嘅大人自己都要負責！如果投訴嘅係後父/後母，更加應該考慮對方適唔適合照顧自己嘅仔女！近排一單虛兒案件開審，每次睇完報導都又嬲又心噏... 自己身為父母，如果不幸發現身邊有類似嘅事件，都要識得行多一步... 🙏
btw, 今次帶埋工人姐姐一起去玩，疫情之下佢自願人工代替大部份假期，星期日教會聚會無得開放，又返唔到菲律賓見三個仔(本來計劃上年我哋去兩星期旅行，佢就返鄉下10日)所以見到佢成日喺屋企都好慘咁。大家，包括朋友都係第一次去西九文化長廊，星期五都好多人！淨係香港都好多地方未去過，諗住以後星期五都帶小朋友同姐姐周圍行下，大家有乜提議呢(但唔好再曬喇～😆)
Search